راك ڨتلتيني (شعر غنائي شعبي)

تراه جاوبي بالصّوت كان سمعتيني و طلّي من حين لحين راك ڨتلتيني سالف من تحت البشكير ريحه يعفعفْ عْليّل محموم في عِزّ البرد بايت يتڨفڨفْ ريحانه و شيّارات و سخاب فوڨ المخنڨْ والحنّة في الساڨين فايحهْ مع المحلب والحاجب ڨولش جنحين لطير فالسما يرفرفْ وخدود تفاحتين في جنان جميل و الشعر سبيب مهفهف تراه جاوبي راك سهبتيني مشغوب محيّر من يوم شبحاتك عيني انا اليوم نجيب ناسي ونجيك وكل من يبغيني وانت كان طاب خاطرك ردّيني